செல் பேசும் வார்த்தைகள்!

(எல்லாத்துக்கும் மனசுன்னு ஒன்னு உண்டு. அப்பிடிங்கறப்போ பலர் தங்களோட செல்லமா நினைச்சுக்கிட்டிருக்கிற செல்போனுக்குன்னு ஒரு மனசு இருக்காதா என்ன.. ஒரு இளைஞன்.. அவனது செல்போன் மனம் விட்டு பேசினால் எப்படி இருக்கும்! அதான் கண்ணு இது! செல் பேசும் வார்த்தைகளாகவே எண்ணிப் படிக்கவும்.)கீய்ங் கீய்ங்.. கீய்ங் கீய்ங்.. (மெசேஜ் ஒன்று வந்தடைகிறது.)செல் : நிம்மதியா தூங்க வுடுறாங்களா.. சாமத்துல யாருக்கு என்ன கொள்ளை போகுதுன்னு தெரியல.. இந்த நேரத்துல என்ன மெசேஜ் வேண்டி கிடக்கு? இப்ப இவன் எழுந்து பார்ப்பான். அப்புறம் விடிய விடிய சாட் தான். என்ன பொழப்பு இது! ஆஹா எந்திரிசிட்டான்யா.. என்னை கையில் எடுத்துட்டானே... ஆஹா பொண்டாட்டி தான் மெசேஜ் அனுப்பியிருக்கா!! இன்னும் கல்யாணமே ஆகல, அதுக்குள்ள லவ்வரு நம்பர "பொண்டாட்டி"ன்னு ஸ்டோர் பண்ணி வச்சிருக்கான். ஆமா என்ன அனுப்பியிருக்கா..?"செல்லம் தூங்கிட்டியாடா?"அடிப்பாவி நடுராத்திரி ரெண்டு மணிக்கு தூங்காம மெகா சீரியலா பார்த்துகிட்டிருப்பாங்க!ஆஹா பதில் அனுப்ப தொடங்கிட்டாண்டா"ஆமா செல்லம் இப்ப தான் தூங்கினேன்.கனவுல நீ தான் வந்த. ரெண்டு பேரும் சுவிஸ்ல டூயட் பாடிக்கிட்டிருந்தோம்."டேய்,சத்தியமா சொல்லு உன் கனவில் அவளாடா வந்தா! கடலை முட்டாயிலிருந்து காம்ப்ளான் வரை கடன் சொல்லி வாங்கின கடைக்காரர் + கடன்காரர் கந்தசாமி தான வந்தாரு! ஏன்டா என்னையும் பொய் சொல்ல வக்குற..கீய்ங் கீய்ங்.. கீய்ங் கீய்ங்..பதில் வந்துடுச்சுடா. அவ இவனுக்கு மேல படுத்துவாளே, என்ன சொல்லியிருக்கா!"உன் கனவுல நான் என்ன கலர் டிரெஸ் போட்டிருந்தேன்?"ஆமாடி, ரொம்ப முக்கியம்! என்ன டிரெஸ் போட்டிருந்த, லிப்ஸ்டிக் சரியா இருந்திச்சா!எல்லாம் வரிசையா கேளு!" டார்லிங், நீயும் நானும் ஒயிட் டிரெஸ் போட்டிருந்தோம். நீ தேவதை மாதிரி இருந்த.."டேய் நீ தேவதைய முன்னப் பின்ன பாத்திருக்கியாடா! ஒயிட் டிரெஸ்ல ரெண்டு பேரும் பேய் மாதிரி இருந்திருப்பீங்கடா!"டேய் புருஷா.. எனக்கு தூக்கம் வர மாட்டீங்கு! நா என்ன பண்ண?"ஆங்.. நல்லா வாயில வருது. ஏதாவது சொல்லிப்புடுவேன். உடம்பு, கீ-பேடுல்லாம் வலிக்குதுடா சாமி! பேயெல்லாம் பிஸியா அலையற நேரத்துல என்னடா ரொமான்ஸ் வேண்டிக் கிடக்கு.. அடங்குங்கடா!"என் பேரை மந்திரம் மாதிரி சொல்லிக்கிட்டே கண்ணை மூடி தியானம் பண்ணு. அப்படியே தூங்கிடுவ! அப்புறமா உன் கனவுல வந்து உன்னை நான் தாலாட்டுவேன். உம்ம்ம்ம்ம்மா!"ச்சீ.. தூ.. எச்சி எச்சி! உம்மான்னு அடிச்சா போதாதா.. அந்த எழவை எனக்கு வேறகொடுக்கணுமா, கருமம் கருமம். ஆமா என்ன சொன்ன உன் பேரை மந்திரம் மாதிரி சொல்லணுமா, உனக்கே இது ஓவராத் தெரியல. அதெல்லாம் சொன்னா தூக்கம் வராதுடா, உன்னால தான் தூக்கம் கெட்டுப் போச்சுன்னு வெறுப்புத்தான் வரும். லூசுப்பய! இதுக்கு அந்த மடச்சி என்ன அனுப்புறான்னு பார்ப்போம்." ஏய், எனக்கு உன் பேரைச் சொன்னா தூக்கம் வரல, வெட்கம் வெட்கமா வருது!"எனக்கு வேதனை வேதனையா வருது. எப்படா தூங்குவீங்க! தினமும் இதே தலை வேதனையாப் போச்சு! 'கண்ணை படைத்து பெண்ணை படைத்த இறைவனை விட செல்லைப் படைத்து ப்ரீ எஸ்.எம்.எஸ்ஸை படைத்த மனுசன் தான் கொடியவன்'போன ஜென்மத்துல ஆந்தையா இருந்துருப்பாங்க போல!"செல்லம், என்னை உனக்கு எவ்வளவு பிடிக்கும்?"" உலக வங்கியில இந்தியா வச்சிருக்கிற கடன் தொகையைவிட அதிகமாப் பிடிக்கும். என்னை உனக்கு எவ்வளவுடா பிடிக்கும்?"கடன்காரி, உதாரணம் சொல்ல வேற விஷயமே கிடைக்கலையா, நம்மாளு என்ன சொல்லுறான்னு பார்ப்போம்." முதல் டீச்சர். முதல் சம்பளம். முதல் கவிதை. முதல் காதல்... இதையெல்லாம் யாராவது எவ்வளவு பிடிக்கும்னு அளந்து சொல்ல முடியுமாடி! நீதான் என் முதல் காதல்"டேய் அளக்காதடா! ரெண்டு மாசத்துக்கு முன்னாடி இன்னொரு நம்பருக்கும் இதே மெசேஜைத் தான நீ அனுப்புன. நடத்து,நடத்து ! எனக்கு மட்டும் உண்மையை அனுப்புற சக்தி இருந்தா மவனே செத்தடா நீ!(அரை மணி நேரம் கழித்து, அந்த இளைஞன் ஒன்பதாவது முறையாக குட்நைட் சொல்லிவிட்டு 'சாட்'டை முடிக்கிறான்.)முடிச்சிட்டாங்களா! என்னது இவன் திருப்பி எதோ நோண்டுறான். ஓ.. என்னை எழுப்பச் சொல்லி அலாரம் வக்கப் போறானா.. எத்தனை மணிக்கு? அடப்பாவி உலகத்துலயே பகல் பன்னிரெண்டு மணிக்கு அலாரம் வைச்சு எந்திரிக்கிற ஒரே ஜீவராசி நீதாண்டா! அதுவரைக்கும் 'பொண்டாட்டி' திருப்பி 'சாட்'டுக்கு வராம இருந்தா சரிதான்.(காலை பதினொரு மணி..)அட என்னமோ குறுகுறுங்குதே.. ஓ எதோ ரிமைண்டர் செட் பண்ணி வச்சிருக்கான்." இன்று திங்கள்கிழமை பல் தேய்க்க வேண்டும்."அட நாத்தம் புடிச்சவனே! ரிமைண்டர் சிஸ்டத்தை கண்டுபிடிச்சவருக்கு இந்த விஷயம்தெரிஞ்சா 'ஏன்டா இப்படி ஒரு சிஸ்டத்தைக் கண்டுபிடிச்சோம்'னு தன்னைத் தானே அடிச்சுக்குவான்.விட்டா 'பல் தேய்ச்சதுக்கப்புறம் வாய் கொப்பளிக்க வேண்டும்'னு கூட ரிமைண்டர் வைப்படா நீ! டேய் எவ்வளவு நேரம் தாண்டா கத்துறது. தொண்டை வலிக்குது.எழுந்திரிச்சுத் தொலைடா. அடப்பாவி ரிமைண்டரை ஆப் பண்ணிட்டு தூங்க ஆரம்பிச்சுட்டானே! அப்ப இன்னிக்கும் பல்லைத் தேய்க்க மாட்டான் போல!டேய் நீ பல்லைத் தேய்க்க வேண்டாம்டா! எனக்கு சாப்பாடு போடு. பேட்டரில சார்ஜ் தீர்ந்துடுச்சு! சார்ஜர்ல போடுறா! இவன் காதுல எங்க விழப்போகுது. சோம்பேறி!(அரை மணி நேரம் கழித்து, இன்கம்மிங் கால் வருகிறது.)'நந்தவனத்தில் ஓர் ஆண்டி..'(ரிங்க்டோன் ஒலிக்கிறது)அவனவன் என்னன்னமோ லேட்டஸ்ட் டோன் வைச்சு அசத்திக்கிட்டிருக்கான். கஞ்சப் பய! ரிங்டோனைப் பாரு. நந்தவனத்தில் ஆண்டியாம். டேய் போனை எடுடா, யாரோ கூப்பிடுறாங்க! அப்பாடா எழுந்திரிச்சிட்டான்."ஹலோ.. ஆங்.. குட் மார்னிங் சார்.. கண்டிப்பா.. இன்னிக்கு கண்டிப்பா முடிச்சிரலாம் சார்.. இல்ல சார்.. ஆமா கொஞ்சம் பிஸி தான்.. ஒரு மீட்டிங்ல இருக்கேன்.. ப்ளீஸ் அப்புறமா பேசலாம் சார். ஓ.கே"தலையெழுத்து இவன் பண்ணுற கூத்துக்கெல்லாம் நாமளும் உடந்தையா இருக்க வேண்டியிருக்கே! மணி பன்னிரெண்டு ஆக இன்னும் 5 செகண்டுதான் இருக்கு.அலாரமா அலறக்கூட என் உடம்புல சக்தியே இல்ல! நீ தூங்கிக்கிட்டே இரு.நானும் தூங்.........(செல் ஸ்விட்ச் ஆப் ஆகிறது.)

பதிவு:திரு.நிர்மலன்

விண்டோஸ் 7 எப்போது வரும்?

படத்தினிலே சொடுக்குவதன் மூலம் அதனைப்பெரிதாக்கிப்பார்க்கலாம்.

பதிவு: செல்வி:ராதா(HND-18)

அவதானமாயிருங்கள்...!

அண்மையில் பேஸ்புக் தளத்தினில் எனக்கு கிடைத்த ஒரு அஞ்சலினையை இங்கு அப்படியே இட்டுள்ளேன். இதனை வாசித்தறிந்த பின் ஏன்டா இப்படி எல்லாம் செய்யிரீர்கள் என்று யோசிக்கத்தோன்றியது. நீங்களும் இதனை வாசித்துப்பாருங்கள் உங்களிற்கு விளங்கும்.



HIV @ COLOMBO

Please take a moment to read thisDear Friends,Kindly take a couple of minutes to go thru this mail. If usefulmay advise others also. Please pass this on to others This happened inColombo recently and may happen elsewhere also.few weeks ago, in Savoy film hall,a person felt something poking from her seat. When she got upto see what it was, she found a needle sticking out of the seat with anote attached saying "You have just been infected by HIV". TheDisease Control Center (in Colombo ) reports many similar eventsin many other cities recently. All tested needles were HIV Positive.The Center also reports that needles have been found in cash dispensers atpublic banking machines. We ask everyone to use extreme caution when facedwith this kind of situation.All public chairs/seats should be inspectedwith vigilance and caution before use.A careful visual inspection shouldbe enough. In addition,they ask that each of you pass this message along to all members of your familyand your friends of the potential danger.Recently, one doctor has narrated a somewhat similar instancethat happened to one of his patients at the Contrast Cinema in Dalugama.A young girl, engaged and about to be married in a couple of months, waspricked while the movie was going on. The tag with the needle had themessage " Welcome to the World of HIV family". Though the doctors toldher family that it takes about 6 months before the virus grows strongenought to start damaging the system and a healthy victim could surviveabout 5-6years, the girl died in 4 months, perhaps more because of the "Shockthought". We all have to be careful at public places, rest God help!Just think about saving a life by forwarding this message. Please, take aseconds of your time to pass along.With

Regards,
Kithsiri Nandasena
I.A.S, Director of Medical & Research Institue
Sri Lanka .

பதிவு:ம.கஜதீபன்(HND-19)

கூகிள் லைவ்லி...... ஓர் அறிமுகம்..!

நண்பருடனோ அல்லது நண்பியியுடனோ கடற்கரையில் அமர்ந்து பேசி மகிழ்ந்தது எல்லாம். ஒரு காலம்.! ஆனால் தற்போது அதற்கெல்லாம் நேரமில்லை நம்மிடையே. இந்த அவசர இணைய யுகத்தில் நாம் உலகவேகத்திற்கு ஏற்றால் போல் நம்மையும் வேகமாக்கி ஓடிக்கொண்டிருக்கின்றோம். ஆக மொத்தத்தில மனிசரோட மனிசர் கதைப்பதற்கே நேரமில்லை. ஆனால் இணைத்தளத்தினுள் நீங்களும் உங்கள் நண்பர்களும் பிளாஸ் சட்டில் கதைத்திருப்பீர்கள். ஜாவா சட்டில் கதைத்திருப்பீர்கள். ஏன் எம்.எஸ்.என்,ஜாகூ,கூகிள்,ஜ.சி.கீயூ போன்ற மென்னிரலிகளை கணனியில் நிறுவி நண்பர்களுடன் கலந்துரையாடியிருப்பீர்கள். இதற்கெல்லாம் சவாலாக வந்திருப்பது தான் கூகிளின் லைவ்லி சட். இதென்ன லைவ்லி சட்? இது ஒரு வேர்ச்சுவல் சட் ரூம். முப்பரிமாணத்தினால் ஆன உருவங்கள் ஒரு அறையிலோ அல்லது கடற்கரையிலோ அமர்ந்து பேசுவது போன்ற அமைக்கப்பட்டுள்ளது. கூகிள் நிறுவனம் இந்நிரலியை ஒரு BETA ஆகவே வெளியிட்டுள்ளது. இந்த கருப்பொருள் பெண்மணி ஒருவரினால் சும்மா விளையாட்டாக அமைக்கப்பட்டது. அதன் அமைப்பினைக்கண்ட கூகிள் உடனடியாக அதனை வாங்கி வெள்ளோட்டமாக இணையத்தினில் விட்டுள்ளது. இதன் மூலம் எமக்கு ஏற்றவாறான இடத்தினை நாமே ஒழுங்கமைத்து எமது நண்பர்களுடன் கலந்துரையாடலாம் என்பது தான் இதின் சிறப்பம்சமே! ஆக இது வெளியிடப்பட்டு சில மாதங்களே ஆகின்றன. இதனை அறிந்தவர்கள் சிலரே.. ஆகவே தான் எமது தள உறுப்பினர்களிற்காக இப்பதிவினை பதிந்துள்ளேன்.

www.lively.com இத்தளத்திற்குச்சென்று பதிவிறக்கி உபயோகியுங்கள்

பதிவு:ம.கஜதீபன் (HNd-19)

புதிய தட்டச்சு நிரலி.....

அண்மையில் தமிழ் தட்டச்சிலே ஒரு புதிய மாற்றம் என்று தான் கூறவேண்டும். ஆம் இதுவரைகாலமும் சுரதா யாழ்வாழ்வாணனின் ஒன்லைன் தமிழ் தட்டச்சு செயல் நிரலியைத்தான் பயன்படுத்தினோம். அத்துடன் சிலர் வேறு நிரலிகளையும் பயன்படுத்தினார்கள். ஆனால் தற்போது என்.ஏச்.எம் நிறுவனத்தின் தட்டச்சு செயல்நிரலி அதற்கெல்லாம் முற்றுப்புள்ளி வைக்கும் வகையில் அறிமுகப்படுத்தப்பட்டுள்ளது. இது அந்நிறுவனத்தின் இரண்டாவது தயாரிப்பு. இதற்கு முன்னரும் தமிழ் எழுத்துருக்களிற்கான ஒன்றினையும் வெளியிட்டிருந்தார்கள். அந்த பிழைகள் திருத்தப்பட்டு மீண்டும் புத்துயிர் பெற்று வந்துள்ளது. விஷேடமாக புதிய தட்டச்சு செயல் நிரலியைப்பற்றி கூறவேண்டுமெனில், இந்நிரலி தன்னகத்தே தமிழின் பல்வேறு வகையான எழுத்துருக்களினை கொண்டுள்ளது. இதனால் எந்த வகையான நிலைக்கும் எமது தமிழ் எழுத்துருவினை மாற்றியமைக்கலாம். இவற்றுடன் இன்னமொரு இனிப்பான செய்தி....!! ஆம்! இந்நிரலி இலவசமாகவே கிடைக்கின்றது. "எமக்கு இலவசம் என்றாலே போதும் தானே..." ஒரு வழி பண்ணிப்போடுவீங்கள்...! நான் அதனைப்பயன் படுத்தித்தான் இப்பதிவை தளத்தினிலே பதிந்துள்ளேன். அட ஏன் தாமதம்..! கீழே இலவசப்பதிவிறக்கத்திற்கான தொடர்பினை தந்துள்னேன். முயன்றுபாருங்கள்.. கட்டாயம் பயனர்கையேட்டினையும் சேர்த்து பதிவிறக்கம் செய்யுங்கள்.(மேலதிக உதவிக்காக)..

தட்டச்சு நிரலி: http://software.nhm.in/Products/NHMWriter/tabid/55/Default.aspx
எழுத்துருமாற்றி:
http://software.nhm.in/Products/NHMConverter/tabid/60/Default.aspx

புதிய படைப்பாளி..

எமது BCAS கல்வி நிறுவனத்தின் தமிழ் மாணவர் ஒன்றியத்திலே அண்மையில் தன்னை இணைத்துக்கொண்ட "செல்வி.ராதா" அவர் தான் அந்த புதிய படைப்பாளி... ஆம். "புதிய கவி உலகிற்கு உங்களை வரவேற்கின்றேன்" என்று தலைப்பிட்டு தனது கவிதைகளினை பதிந்துள்ளார் ராதா... கவி வரிகள் ஒவ்வொன்றும் அவ்வளவு அருமை.. எமது தள உறுப்பினர் ஒருவர் இவ்வாறனதொரு முயற்சியெடுக்கும் போது அதனை ஊக்குவிப்பது நம் கடமையல்லவா??? கவிதைகள் மட்டுமல்ல தளத்தினையும் இரசனையுடன் வடிவமைத்துள்ளார் ராதா... ராதாவின் புதிய கவி உலகிற்கு செல்ல கீழே சொடுக்குங்கள்....

http://puthiyakavi.blogspot.com

MacBookAir மடிக்கணினி விலை குறைந்தது....

உலகின் மிக மெல்லிய மடிக்கணினி என்று நம்பப்படும் ஆப்பிள் நிறுவனத்தின் மேக்புக்-ஏர் கணினி விலை 500 டாலர் வரை குறைக்கப்பட்டுள்ளது.
64 எம்பி நினைவகம் கொண்ட மிகவும் விலை உயர்ந்த மேக்-புக் ஏர் மடிக்கணினி, இன்டெல் நிறுவனத்தின் கோர்-2 டுவோ சிப் கொண்டது. 1.8 மெகா ஹெர்ட்ஸ் திறனில் இயங்கும் இக்கணினி, தற்போது 2,598 டாலருக்கு விற்பனை செய்யப்படுவதாக ஆப்பிள் நிறுவன செய்தித் தொடர்பாளர் பில்இவான்ஸ் தெரிவித்துள்ளார்.
இதேபோல் 1.6 ஜிகா ஹெர்ட்ஸ் திறனுள்ள மேக்புக்-ஏர் மடிக்கணினி 1,799 டாலருக்கு விற்கப்படுகிறது. ஆப்பிள் நிறுவனத்தின் முதன்மை நிர்வாக அதிகாரியான ஸ்டீவ் ஜாப்ஸ், கடந்த ஜனவரி மாதம் அறிமுகப்படுத்திய மேக்புக்-ஏர் மடிக்கணினியின் தடிமன், ஒரு இன்ச் அளவை விட குறைவு என்பதால், இது உலகின் மிக மெல்லிய மடிக்கணினி என்ற பெருமையை பெற்றது.

பதிவு: செல்வி.ராதா HND-18

கூகிள் இப்போது உங்கள் தமிழில்

இணையதளம் இன்று நம் வாழ்வில் முக்கிய பங்கு வகிக்கிறது.நண்பர்கள் மற்றும் குடும்பத்துடன் உரையாடல்கள், மின் அஞ்சல் பரிமாற்றங்கள், நமது கருத்துக்களைத் தெரிவித்தல் மற்றும் விவரங்களைத் தேடுதல் போன்ற பல காரணங்களுக்காக நம்மில் பலர் இணையதளத்தைப் பயன்படுத்துகிறோம்.உங்களது நெருங்கிய கல்லூரித் தோழர் ஒருவரை உங்களுக்கு நினைவிருக்கிறதா? அவர் எங்கிருக்கிறார் என்பதைக் கண்டுபிடித்து, அவர் தற்போது என்ன செய்து கொண்டிருக்கிறார் என்பதை அறிந்து கொள்வது எவ்வளவு அற்புதமாக இருக்கும்?நீங்கள் நன்கு அறிந்துள்ள ஒரு விஷயத்தைப் பற்றிய கருத்தைத் தெரிவிக்க நீங்கள் விரும்புகிறீர்களா? நீங்கள் ஒரு சிறந்த திரைப்படவிமர்சகராக இருப்பின், இணையத்தளத்தில் உங்கள் விமர்சனங்களை நீங்கள் ஏன் வெளியிடக்கூடாது? உங்களுக்குக் விவரங்கள் ஏதேனும் தேவைபடுகிறதா? அது சமையல் குறிப்புகள், தேர்தல் விவரங்கள் போன்ற எதுவாக இருப்பினும் ஒரு பட்டனைக் க்ளிக் செய்வதன் மூலம் இவ்வனைத்தும் உங்களுக்குக் கிடைத்தால் எவ்வளவு நன்றாக இருக்கும்?நீங்கள் ஆங்கிலம் பேசுபவராக இருந்தால், இவ்வனைத்தையும் மற்றும் இன்னும் அதிகமானவற்றையும் இணையதளத்தில் உங்களால் செய்ய முடியும். ஆனால், சில நேரங்களில் உங்கள் தாய்மொழியில் ஏதேனும் விஷயங்களை நீங்கள் பரிமாறிக் கொள்ள விரும்பலாம். நமது அன்றாட வாழ்வில் நாம் பெரும்பாலும் தாய்மொழியையே பயன்படுத்துகிறோம்.இதுபோல் நம்மால் இணையதளத்திலும் நம் தாய்மொழியை பயன்படுத்த முடிய வேண்டும். "கூகிள் இந்தியா"வில் உள்ள நாங்கள் இது நடைபெறுவதற்கான முயற்சியில் ஈடுபட்டுள்ளோம். அந்த முயற்சியில் நாங்கள் பின்வரும் சேவைகளை அறிமுகப்படுத்தியுள்ளோம்.தமிழில் சுலபமாக டைப் செய்யுங்கள். முதலாவதாக, உங்கள் ஆங்கில கீபோர்டைப் பயன்படுத்தி சுலபமாக தமிழில் டைப் செய்வதற்கான ஒரு வழியை நாங்கள் உருவாக்கியுள்ளோம். ஒரு சொல்லின் ஒலிக்கு ஏற்ப நீங்கள் டைப்செய்தால் போதும்.உதாரணமாக, வழக்கமான ஆங்கில எழுத்துக்களைப் பயன்படுத்தி "ennudaya" என்ற சொல்லை நீங்கள் டைப் செய்து ஸ்பேஸ் (space) தட்டினால், அது தானாக தமிழ் சொல்லான "என்னுடைய"வாக மாறிவிடும்.இத்தொழில்நுட்பமான டிரான்ஸ்லிட்ரேசன்(transliteration)ஐ நீங்கள்இந்தலாப் வலைப்பக்கத்தில் பயன்படுத்தலாம் - http://www.google.co.in/transliterate/indic/tamil. இந்த சேவையை உங்கள் கூகிள் முகப்புப் பக்கத்தில், ஒரு iGoogle gadgetஆகவும் சேர்த்துக் கொள்ளலாம். இவ்வசதி இந்தி, தெலுங்கு, கன்னடம் மற்றும் மலையாளம் ஆகிய இதர மொழிகளிலும் வழங்கப்படுகிறது.மக்களிடம் இருந்து பெற்ற நல்ல வரவேற்பினால், மற்ற கூகிள் சேவைகளிலும் இத்தொழில்நுட்பத்தை அளிக்க உள்ளோம்.உங்கள் நண்பர்களுக்கு ஸ்கிராப் செய்யுங்கள். "ஆர்குட்"ல் உங்கள் பள்ளித் தோழரை நீங்கள் கண்டுபிடித்து அவருடன் உரையாட முடியும்.இப்போது அவருக்கு உங்களால் தமிழ், இந்தி, தெலுங்கு, கன்னடம் மற்றும் மலையாளம் ஆகிய மொழிகளில் ஸ்கிராப்களை(http://www.orkut.com/scrapbook.aspx ) அனுப்ப முடியும்.உங்கள் கருத்துக்களை வெளியிடுங்கள். உங்கள் மனம் கவர்ந்த மற்றும் நன்கு தெரிந்த விஷயம் குறித்த உங்கள் கருத்துக்களை நீங்கள் வெளியிட விரும்பினால், உங்கள் சொந்த பிளாக்(http://blogger.com/indic/ta ) ஒன்றை உருவாக்கி, அதில் தமிழ், இந்தி, தெலுங்கு, கன்னடம் மற்றும் மலையாளம் ஆகிய மொழிகளில் உங்கள் கருத்துக்களை வெளியிடலாம்.எளிதாக வலைத்தளங்களைத் தேடுங்கள். கூகுளில் இப்போது தமிழ் மொழியில் எளிதாக வலைத்தளங்களைத் தேட முடியும். கூகிள் தமிழ் தேடுதல்(http://www.google.co.in/ta ) பக்கத்திற்குச் சென்று ஆங்கில எழுத்துக்களைப் பயன்படுத்தி உங்கள் கேள்வியை டைப் செய்யத் தொடங்கினால் போதுமானது. அதனை நாங்கள்தமிழில் மாற்றி, நீங்கள் டைப் செய்யத் தொடங்கியதன் அடிப்படையிலான கேள்விகளைப் பரிந்துரைப்போம்.உதாரணமாக, ரஜினிகாந்தைப் பற்றிய விவரங்களைக் கண்டுபிடிக்க நீங்கள் விரும்பினால், நீங்கள் "Rajinikanth" என்று டைப் செய்யத் தொடங்கினாலே போதும், நாங்கள் "ரஜினிகாந்த்" என்று உங்களுக்காக பரிந்துரைப்போம்.இந்தியில் எளிதாக மொழிபெயருங்கள். கூகுளில் இந்தி மொழிபெயர்ப்பு சேவையாக கூகிள் டிரான்ஸ்லேட்TM அறிமுகமாகியுள்ளது. இந்தி மற்றும் ஆங்கில மொழிக்கு இடையிலான மொழிபெயர்ப்பைத் தானியங்கு முறையில் செய்வதற்கு இச்சேவை உதவுகிறது.நீங்கள் ஏதேனும் உரை அல்லது ஒரு வலைப்பக்கத்தை மொழிபெயர்க்க விரும்பினால் பின்வரும் வலைத்தளத்தில் அதை எளிதாகச் செய்து கொள்ளலாம்: http://www.google.com/translate_t. இன்று இணையதளத்தில், இந்தி தேடுசொற்களுக்கான இந்தி வலைபக்க முடிவுகளில் போதுமான விபரங்கள் கிடைப்பதில்லை. இந்நிலைமாறுமென்று நாங்கள் நம்புகிறோம்.ஆனால் இடைப்பட்ட நேரத்தில்,தேடுசொற்களை இந்தியில் அளித்து, அதற்கு பொருத்தமான ஆங்கில பக்கங்களைத் தேடி, முடிவுகளாக வரும் ஆங்கில பக்கங்களை இந்திக்கு எளிதாக மொழிபெயர்க்க கூகிள் டிரான்ஸ்லேட் உதவும்: http://www.google.com/translate_s.இந்திய மக்கள் தொகையில், சுமார் 13% மக்கள் மட்டுமே ஆங்கில அறிவு பெற்றவர்களாக உள்ளனர். இதனை கவனத்தில் கொண்டு, ஒருவரது ஆங்கில அறிவு எந்த அளவில் இருந்தாலும், இணையத்தளத்தின் மாபெரும் பயன்களை அவர் அடைவதை உறுதி செய்யும் வகையில் இந்த சேவைகள் அமைந்துள்ளன.நாம் அறிந்துள்ள மொழிகளைப் போலவே இணையதளத்தையும் பன்மொழிக் கழகமாக மாற்றுவோம். நண்பர்களுடன் பேசுங்கள், கருத்துக்களை வெளியிடுங்கள், உள்ளடக்கங்களை உருவாக்கி, இணையத்தளத்தில் விபரங்களை உங்கள் மொழியில் பெறுங்கள்.

பதிவு: செல்வி.ராதா (HND-18)

புதிய தள முகவரி அறிமுகம்..! (ஒளிக்கோப்பு)

எமது புதிய தள முகவரி அறிமுகம்....

எமது புதிய தள முகவரி அறிமுகப்படுத்தப்பட்டுள்ளது. எமது உறுப்பினர்களின் நன்மை கருதி இரண்டு முகவரிகளும் சேவையிலுள்ளது என்பதை மகிழ்ச்சியுடன் அறியத்தருகின்றோம்.

www.tbcas.tk

மடிக்கணனிகளிற்கு ஓய்வு..

ஆம்!. மடிக்கணனிகளிற்கு ஓய்வு கொடுப்பதற்காக தான் மேலே நீங்கள் பார்த்த கணனி அமைக்கப்பட்டுள்ளது. இவை நான்காவது தலைமுறையினல் பயன்படுத்தக்கூடிய வகையிலான ஒரு தயாரிப்பாகும். இக்கணனியை விஞ்ஞானிகள் Bluethooth தொழிநுட்பத்தைக்கொண்டு ஆக்கியிருக்கிறார்கள். இந்த பேனா வடிவான கணனியை நீங்கள் சமாந்தரமாக இருக்கக்கூடிய இடத்தினில் வைத்து கணனி விசைப்பலகையாகவும் கணனித்திரையாகவும் பயன்படுத்தலாம். இது எமது சாதாரண மேசைக்கணனியைப்போன்று இயங்கு திறன் உடையதெனவும் தயாரிப்பாளர்கள் கூறுகின்றார்கள்.எனவே மடிக்கணனிகளிற்கு விடைகொடுப்போமா????

பதிவு:செல்வி.வசந்தகுமார் HND-21

Rapidshare virusகள் அவதானமாயிருங்கள்...!

Windows XPல் அடிப்படையிலேயே Firewall ஒன்று ஓடிக்கொண்டே உள்ளதால் இப்போதெல்லாம் Virusகள் தானாக வந்து உங்கள் கணிணியை தாக்குவது அபூர்வமே.மாறாக நாமாகப் போய் வம்பை விலைக்கு வாங்கிக் கொண்டால் தான் உண்டு.ஏடாகூடாமான தளம் எதற்காவது போய் அங்கு தோன்றும் ஒரு Pop Up Windowவில் "Yes" சொல்லி Virus விலைக்கு வாங்கும் ரகம் பாமர கணிணி பயனர்கள் ரகம் எனில் தேடிப்போய் ஒரு குறிப்பிட்ட ".exe" கோப்பை Rapidshareலிருந்தோ அல்லது இது போன்ற இன்ன பிற கோப்பு கிடங்குகளிலிருந்தோ இறக்கம் செய்து அது வழி வைரசை தங்கள் கணிணிக்கு இறக்குமதி செய்யும் ரகம் கீக் (Geek) கணிணி பயனர்கள் ரகம். எதாவது ஒரு பயன்பாடு வேண்டுமெனில் உடனே அதற்காக பட்டென ஏதாவது ஒரு Rapidshare சுட்டியிலிருந்து அதை இறக்கம் செய்வது அத்தனை பாதுகாப்பானதல்ல. முடிந்த வரைக்கும் நம்பகமான தளத்திலிருந்து மட்டுமே "Executable"-களை இறக்கம் செய்வது நல்லது. அல்லது இறக்கம் செய்ததும் நன்றாக Scan செய்ய ஒரு நல்ல Virus scannerராவது உருப்படியாய் வைத்திருத்தல் வேண்டும்.MP3 கோப்புகள், வீடியோ கோப்புகள், PDF கோப்புகள் ,சில சமயம் CBTகள் இது தவிர பிற வகை கோப்புகளை முக்கியமாய் exe கோப்புகளை இறக்கம் செய்து உங்கள் கணிணியில் ஓட விடுதல் அத்தனை பாதுகாப்பான பழக்கம் அல்லவே. எவர் என்ன நோக்கில் அந்த மென்பொருளை அங்கு சேமித்து வைத்துள்ளாரோ? அதனுள் ஏதாவது வைரசோ அல்லது பிற மர்ம Torjanகளோ ஒளிந்திருந்தால் அது நமக்கு சுத்தமாய் தெரிவதில்லை. நம்மில் பலரும் virusல் மாட்டிவிடல் இப்படித் தான்.அது இப்படி இருக்க, இங்கே ஒரு tip.Rapidshareல் 100MB-க்கும் பெரிதான கோப்புகளை சேமிக்க முடியாததாகையால் டிவிடிக்களை நூறு நூறு Meg-காக பல .rar துண்டுகளாக்கி ஒரு குழுவாக இணைஏற்றம் செய்து வைத்திருப்பார்கள். பத்து .rar கோப்புகளில் ஒன்பதை பல மணிநேரமாய் இறக்கம் செய்த பின் 10வது இறக்கமாக மறுக்கும். அனைத்தையும் இறக்கம் செய்யாமல் Winrar-ம் அவ்வீடியோவை Extract செய்யவிடாது. குறைந்தது இறக்கம் செய்துள்ள அந்த ஒன்பது .rar கோப்புகளில் உள்ள வீடியோவையாவது பார்க்க வழியுள்ளதா?ஆம் உள்ளது.அந்த .rar கோப்புக் குழுவை விரிவாக்கம் செய்யும் முன் மறக்காமல் "Keep broken files" -ஐ Winrar-ல் tick செய்துகொள்ளுங்கள். பத்தாவதை பார்க்க இயலாவிட்டாலும் மற்ற ஒன்பதையாவது பார்க்கலாம்.

பதிவு:ம.கஜதீபன் (HND-19 General)

செல்போனில் காமிக்ஸ் புத்தகம் படிக்கலாம்...!!

வெள்ளித்திரை, சின்னத்திரை என பல்வேறு வடிவங்களில் மொழி வித்தியாசமின்றி மக்கள் மனதை கவர்ந்த காமிக்ஸ் ஹீரோக்கள், விரைவில் செல்போனில் வலம் வர உள்ளனர்.

ஜப்பானில் இந்த வசதி கடந்த சில நாட்களுக்கு முன் அறிமுகப்படுத்தப்பட்டது. இதையடுத்து செல்போனில் காமிக்ஸ் புத்தகங்களை மெய்மறந்து படிக்கும் தொழிலதிபர்களை பார்ப்பது சகஜமாகிவிட்டது. இதையடுத்து காமிக்ஸ் புத்தக தயாரிப்பாளர்களும் தங்களது பதிப்புகளை டிஜிட்டல்மயமாக மாற்றும் பணியில் அதிக முனைப்பு காட்டி வருகின்றனர்.

ஆப்பிள் நிறுவனம் தனது மேம்படுத்தப்பட்ட புதிய ஐ-போனை கடந்த 11ம் தேதி அறிமுகப்படுத்தியது. இதில் காமிக்ஸ் புத்தகங்களை எளிதாக படிக்க முடியும் என்பதுடன் அவற்றை பதிவு செய்து பாதுகாக்கவும் முடியும் என்பதால், செல்போன் காமிக்ஸ் துறை அபார வளர்ச்சி பெறும் என தொழில்நுட்ப வல்லுனர் கருத்து தெரிவித்துள்ளனர்.

ஜப்பானில் இதற்கு கிடைத்துள்ள வரவேற்பு ஊக்கமளிக்கும் வகையில் உள்ளதால், விரைவில் பிற நாடுகளிலும் செல்போனில் காமிக்ஸ் புத்தகங்களை படிக்கும் சேவை அறிமுகப்படுத்தப்படலாம் என எதிர்பார்க்கப்படுகிறது.


பதிவு:திரு.திருமாறன் (HND-19)

2020ல் மனித அறிவுக்கு இணையான கணினி..!

மனித அறிவுக்கு இணையாக செயல்படக் கூடிய கணினி வரும் 2020ம் ஆண்டுக்குள் சாத்தியமாகும் என அமெரிக்க கம்ப்யூட்டர் வல்லுனர் குருரே கர்ஸ்வில் தெரிவித்துள்ளார். லண்டனில் நடந்த அறிவியில் முன்னேற்றத்திற்கான அமெரிக்க கூட்டமைப்பு ஆண்டுக் கூட்டத்தில் பேசிய போது இதனை தெரிவித்த அவர், அக்சலர்ரேட்டிங் ரிட்டர்ன்ஸ் விதி' ( law of accelerating returns) இதற்கு பேருதவியாக இருக்கும் என தாம் நம்புவதாக கூறினார். தொழில்நுட்பத்துறை நாளுக்கு நாள் வளர்ந்து வருவதால், மனித அறிவை மிஞ்சும் நவீன கணினியும் உருவாக்கப்படும் என்பதில் எள்ளளவும் சந்தேகமில்லை என்றும் குருரே தெரிவித்தார். மனிதனின் உடலில் ஏற்படும் நோய்கள் மற்றும் முதுமை ஏற்படுவதற்கான காரணத்தை அறிந்தால் மனித ஆயுளை நீட்டிக்க முடியும் எனவும் அவர் சுட்டிக்காட்டினார்.


பதிவு:திரு.திருமாறன் (HND-19)

தடுப்பூசி மரணங்கள்!

கண்டம் விட்டுக்
கண்டம் பாயும்
அழிவுச் சக்திமிக்க
ஏவுகணைகள்!

வானிலும்
ஒற்றர்களாய்
விண்கோள்கள்!

விண்ணில்
மண்ணில் நீரில் பயணம்
செய்திட
புதுமைகள் மிக்க
வாகனங்கள்!

உலகின் நிகழ்வுகளை
உடனே அறிந்திட
தொலைக்காட்சி
வானொலிகள்!

பூவுலகின்மூலை
முடுக்கெல்லாம்தொடர்பு
கொண்டிடதொலைபேசி
செல்பேசிகள்!

பரந்த பூபாளத்தைச்சிறு
அறைக்குள்சுருக்கி விட்டதகவல்
தொழில் நுட்பம்!

வெப்ப குளிர்
பிரதேசங்களில்
வசிப்பவர் வசதிக்காக
குளிரூட்டி வெப்பமூட்டிகள்!

பழுதடைந்தஉறுப்புகளுக்குப்
பதில்மாற்றுறுப்பு பொருத்தங்கள்!

இன்னும் சொல்லிமாளா
எத்தனை யெத்தனை
யோசாதனைகள் புதுமைகள்
இவ்வறிவியல் யுகத்தில்!

இருப்பினும்அடிக்கடி
நிகழ்கின்றனநோய்தடுப்பு
மருந்துகளால்
மழலையரின் மரணங்கள்!

இவற்றுக் கெல்லாம்யார் பொறுப்பு?
எப்படி தவிர்க்கப் போகிறோம்?


(அண்மையில் இந்தியாவிலே நோய் தடுப்புமருந்து மாற்றி ஏற்றப்பட்ட மரணமடைந்த குழந்தைகளினை ஞாபகப்படுத்துமுகமாக இப்பதிவு அமைகின்றது..)


பதிவு: திரு.திருமாறன் HND-19

வயர்லெஸ் கீ-யையும் hack-பண்ணலாம்...

மடிக்கணிணி (Laptop) -களின் பெருக்கத்தால் வீடுகள் தோறும் "வயர்லெஸ் ரவுட்டர்" (Wireless Router) வழி கம்பியில்லா இன்டர்நெட் இணைப்பு (Wi-Fi) வைத்துகொள்ளல் ரொம்ப வசதியாகவும் சாதாரணமாகவும் ஆகிக் கொண்டிருகின்றது .அது பாதுகாக்கப்படாத (Unsecured) வலையமாக அமைக்கப்பட்டிருந்தால் யார் வேண்டுமானாலும் உங்கள் கணிணிகளின் நெட்வொர்க்கோடு தன்னை இணைத்து கொள்ளலாம். வலை மேயலாம். வீட்டிற்கு வெளியே கன நேரமாக ஒரு கார் நின்று கொண்டிருந்தால் அநேகமாக உள்ளே அமர்ந்திருந்து யாரோ உங்கள் இணைய இணைப்புவழி இலவசமாய் வலை மேய்கின்றார்கள் என தாராளமாய் சந்தேகபடலாம். அவன் என்ன கூத்தெல்லாம் இணையத்தில் பண்ணுகிறானென யாருக்கு தெரியும். ஆனால் உங்கள் ipaddress தான் தடத்தில் இருப்பதால் நீங்கள் தான் பொறுப்பாளியாகின்றீர்கள்.இதை தடுக்க வந்தது தான் WEP (Wired Equivalent Privacy) எனப்படும் கீ (Key) உள்ளீடும் முறை. இதன்படி உங்கள் வீட்டு வலை பாதுகாக்கப்பட்ட வலை (Secured) யாகின்றது. யாருக்கெல்லாம் அந்த கீ தெரியுமோ அவர்கள் மட்டுமே உங்கள் இணைய இணைப்புவழி இணையம் மேய முடியும்.ஆனால் அந்த பாதுகாப்பையும் முறியடிக்க வழிகள் வந்து விட்டது.இங்கே படிப் படியாக இந்த கீயை எப்படி உடைத்து கண்டுபிடிக்கலாமென வழி சொல்கின்றார்கள். A step-by-step to breaking WEP key என்ன Aircrack Airodump WepAttack என சிலப்பல hacking மென் உபகரணங்களை சிறப்பாக பயன்படுத்த தெரிய வேண்டும்.அண்டை வீட்டாரின் WEP key எளிதாய் உங்கள் வசப்படும்.அப்புறமென்ன இலவச இணைய இணைப்புதான். :)இன்னொரு வழி Default Password-யை பயன்படுத்துதல்.அதாவது பெரும்பாலான "வயர்லெஸ் ரவுட்டர்"-களின் Default Admin Password-யை யாரும் மாற்றுவதில்லை என ஒரு சர்வே சொல்கிறது.இங்கே சென்றால் அனைத்து "வயர்லெஸ் ரவுட்டர்"-களின் Default Admin Password-களையும் காணலாம்.DEFAULT WIRELESS SETTINGS கொடுத்து முயன்று பார்த்தால் அதிஷ்டம் இருந்தால் சரியாய் மாட்டும்.உள் புகுந்து WEP கீயை கண்டுபிடித்து கலக்கலாம்.இதையெல்லாம் தடுப்பது எப்படி?முதல் வேலை உங்கள் வயர்லெஸ் ரவுட்டரின் Default Admin Password-ஐ மாற்றிவிடுங்கள். பின்னர் உங்கள் பாதுகாப்பை WEP-யிலிருந்து இப்போதைக்கு அதிகம் பாதுகாப்பு கொடுக்கும் WPA- (Wi-Fi Protected Access) க்கு மாற்றிவிடுங்கள்.மேலும் சில வழிமுறைகள் இங்கே,
Home Wireless Security Settings Tips





பதிவு: ம.கஜதீபன் (HND-19 General)

போலி Webcamம் சில சுட்டிகளும்....

ஏதாவது ஒரு Messangerல் Chatல் இருக்கின்றீர்கள்.உங்களிடம் வெப்கேமே இல்லை.எனினும் மறுமுனையில் இருப்பவரிடம் உங்களிடம் வெப்கேம் இருப்பது போல் பாவ்லா காட்ட ஆசையா?.அவர் போன்றோர்க்கு உதவுவது தான் இந்த போலி வெப்கேம். Fakewebcam இந்த மென்பொருளை நிறுவிவிட்டு பின் அதில் ஒரு போலி வெப்கேம் வீடியோவை ஓட விட்டு விட்டால் மறுமுனை மனசு அதை உண்மையென்றே நம்பிவிடுமாம். டைப்புவதில் மட்டும் அல்ல வெப்கேமில் தோன்றுபவரிலும் பொய் இருக்கலாம்.உசாராயிருங்கள் அவதார்களே. கூகிளில் inurl:view/index:shtml அல்லது inurl:viewerframe?mode= எனத் தேடினால் ஆயிரக்கணக்கான திறந்த கேமராக்கள் உங்கள் பார்வைக்கு வரும்.அதெல்லாம் அங்காங்கே ரோடுகளிலும் ஓட்டல்களிலும் பார்க்குகளிலும் ஒழுங்காக பாதுகாக்கப்படாத CCTV security கேமராக்கள். இதை பார்வையிட Axis Live View அல்லது live applet அல்லது webview livescope இதிலெதாவது ஒரு ஆக்டிவெக்ஸ் கன்ட்ரோல் (Active X control) நீங்கள் நிறுவ அனுமதிக்க வேண்டிவரும். அவ்வளவுதான்.முழுக் கேமராவும் உங்கள் கைபிடிக்குள் வந்து விடும். இஷ்டப்படி கேமராவை மேலே கீழே இடது வலது வென நகர்த்தலாம்.கேமரா தானாகவே நகர்வதை பார்த்து அங்கிருந்து நோக்கும் அன்னியர்கள் சற்று கிலியிலேயே கேமராவை பார்ப்பர்.உதாரணத்துக்கு கீழ்கண்ட சுட்டியைப் பாருங்கள்.எங்கோ ஒரு ரெஸ்டாரன்டின் பாதுகாப்பு கேமரா பாதுகாப்பேயின்றி.

http://yamucha.miemasu.net:81/ViewerFrame?Mode=Motion&Language=1

இது இன்னொன்று.உலகின் எங்கோ ஒரு தெருமுனை.நான் பார்த்ததிலேயே மிக வேகமாக ஸ்டிரீம் செய்யும் கேமரா.லைவ்வாய் உலகை காட்டுகின்றது.

http://213.196.182.244/view/index.shtml கீழ்க்கண்ட இணையதளத்தில் இதுமாதிரி ஏகப்பட்ட அனாதை கேமராக்களை கண்டுபிடித்து உங்களுக்காக கண்காட்சி போல் அடுக்கி வைத்திருக்கின்றார்கள்.

http://www.opentopia.com/hiddencam.php

இந்த கட்டுரை கல்விநோக்கத்திற்காகவே உங்களிற்கு வழங்கப்பட்டுள்ளது. இதனை பயனுள்ள முறையில் கற்றுத்தெளியுங்கள்.

பதிவு: ம.கஜதீபன் (HND-19)

பில்கேட்ஸ் சென்னையில் பிறந்திருந்தால்....!

பில் கேட்ஸ் சென்னையில் பிறந்திருந்தால் விண்டோசை ஜன்னல் என்றுஅழைத்திருப்பார்கள். அதன் மெனு அட்டவணை இவ்வாறாக அமைந்திருக்கும்.

Save = வெச்சிக்கோ
Save as = அய்ய! அப்டியெ வெச்சிக்கோ
Save All = அல்லாத்தியும் வச்சிக்கோ
Help = ஒதவு
Find = பாரு
Find Again = இன்னொரு தபா பாரு
Move = அப்பால போ
Mail = போஸ்ட்டு
Mailer = போஸ்ட்டு மேன்
Zoom = பெருசா காட்டு
Zoom Out = வெளில வந்து பெருசா காட்டு
Open = தெற நயினா
Close = பொத்திக்கோ
New = புச்சு
Old = பழ்சு
Replace = இத்த தூக்கி அத்ல போடு அத்த தூக்கி இத்ல போடு
Run = ஓடு நய்னா
Execute = கொல்லு
Print = போஸ்டர் போடு
Print Preview = பாத்து போஸ்டர் போடு
Cut = வெட்டு - குத்து
Copy = ஈயடிச்சான் காப்பி
Paste = ஒட்டு
Paste Special = நல்லா எச்ச தொட்டு ஒட்டு
Delete = கீச்சிடு
anti virus = மாமியா கொடுமை
View = லுக்கு உடு
Tools = ஸ்பானரு
Toolbar = ஸ்பானரு செட்டு
Spreadsheet = பெரிசிட்டு
Database = டப்பா
Exit = ஓடுறா டேய்
Compress = அமுக்கி போடு
Mouse = எலி
Click = போட்டு சாத்து
Double click = ரெண்டு தபா போட்டு சாத்து
Scrollbar = இங்க அங்க அலத்தடி
Pay Per View = துட்டுக்கு பயாஸ்கோப்பு
Next = அப்பால
Previous = முன்னாங்கட்டி
Trash bin = கூவம் ஆறு
Solitaire = மங்காத்தா
Drag & hold = நல்லா இஸ்து புடி
Do you want to delete selected item? = மேய்யாலுமே தூக்கிறவா?
Do you want to move selected item? = மெய்யாலுமே கடாசிடவா?
Do you want to save selected item? = மெய்யாலுமே வெச்சிக்கவா?
Abort, Retry, Ignore = இஸ்டம் இல்லாட்டி உட்டுடு
Yes, No, Cancel = இப்போ இன்னா சொல்லுற நீ?
General protection fault = காலி
Access denied = கை வச்ச... கீச்சுடுவேன்!
Unrecoverable error = படா பேஜார்பா
Operation illegal = பேமானி சாவு கராக்கி கஸ்மாலம்
Windows 98 = இதாமெ ஜன்னல் தொன்னித்தி எட்டு

பதிவு: செல்வி.வசந்தகுமார்(HND-21 General)

தள நிர்வாகியிடமிருந்து....

அன்புக்குரிய தள பார்வையாளர்களே மற்றும் உறுப்பினர்களே! எமது உறுப்பினர் பகுதியிலே இணைக்கப்பட்டிருக்கும் உறுப்பினர்களினைப்பற்றிய "குறிப்பு" பகுதி ஒரு நகைச்சுவைக்காகவே அவ்வாறு அமைக்கப்பட்டுள்ளது. தயவு செய்து அதிலே குறிப்பிட்டுள்ள விடயங்களிற்கும் உறுப்பினர்களிற்கும் எந்த தொடர்பும் இல்லை.பார்ப்பவர்களிற்கு சுவாரஸ்யத்தினை அதிகரிப்பதற்காகவே இவ்வாறனதொரு பகுதியை அமைத்தேன். இதனால் யாருடையாவது மனங்கள் பாதிப்படைந்திருந்தால் நான் தயவு செய்து தளத்தின் சார்பினில் மன்னிப்புக்கேட்டுக்கொள்கின்றேன்.

நன்றி.
தள நிர்வாகி
B.C.A.S தமிழ் மாணவர் ஒன்றியம்.

கணினி " - ஆணா... பெண்ணா..?‏

கணினி " - ஆணா... பெண்ணா..?‏
ஆசிரியைக்கு உண்மையிலேயே விடை தெரியவில்லை.. எனவே மாணவர்கள் தனியாகவும், மாணவிகள் தனியாகவும் கூடிப்பேசி இதற்கு முடிவு காணுமாறு அறிவுறுத்தினார்..........மாணவிகள் கணினி ஆண்பால்தான் என்ற முடிவுக்கு வந்தார்கள்... அதற்கு அவர்கள் சொன்ன காரணங்கள் இதோ...

1) அதுக்கு எதையும் சுலபமா புரிய வைக்க முடியாது..

2) உருவாக்கினவனைத் தவிர வேறே யாருக்கும் அதோட நடைமுறையை புரிஞ்சிக்க முடியாது..

3) நாம ஏதாவது தப்பு பண்ணா மனசுலேயே வச்சிருந்து நேரம் பார்த்து மானத்தை வாங்கும்..

4) எந்த நேரத்துல புகையும்.... எந்த நேரத்துல மயங்கும்ன்னு சொல்லவே முடியாது..

5) நம்ம கிட்ட இருக்கறதைவிட அடுத்தவங்க வச்சிருக்கறது நல்லா வேலை செய்யறது மாதிரி தோணும்...!

மாணவர்களோ கணிணி பெண்பால்தான்னு சாதிச்சாங்க.. அதுக்கு ஆதாரமா அவங்க சொன்னது இதோ...

1) எப்பவுமே அடுத்த கணிணியோட ஒத்துப் போகவே போகாது..

2) எட்ட இருந்து பார்க்க கவர்ச்சிகரமா இருக்கும்.. ஆனா கிட்டபோனாதான் அதோட வண்டவாளம் தெரியும்..

3) நிறைய ஸ்டோர் பண்ணி வச்சிருக்கும்... ஆனா எப்படி பயன்படுத்தணும்ன்னு அதுக்கு தெரியாது..

4) பிரச்சினையை குறைக்கறத்துக்காக கண்டுபிடிக்கப்பட்டவை... ஆனா பெரும்பாலான சமயங்கள்ல அதுகளேதான் பிரச்சினையே..

5) அதை சொந்தமாக்கிக்கிட்ட பிறகுதான் நமக்கு புரியும்.. அடடா இன்னும் கொஞ்சம் பொறுமையா இருந்திருந்தா இதைவிட அருமையான மாடல் கிடைச்சிருக்குமேன்னு...!


பதிவு: திரு.திருமாறன் (HND-19 ICT)

கழுத்துப்பட்டி அணியும் முறை....

நம்மில் எத்தனை பேருக்கு எவ்வாற சரியான முறையில் கழுத்துப்பட்டி ஒன்றினை அணிவது எப்படி என்று தெரியும்? எனவே தெரியாதவர்களிற்கு ஒரு வழிகாட்டியாகவே இந்த ஆக்கம். பயன்பெறுவீர்கள் என நம்புகின்றேன்.

பதிவு:திரு.திருமாறன்(HND-19 ICT)

அறிவித்தல்..!

சாதரணமாக ஆரம்பிக்கப்பட்ட எமது B.C.A.S தமிழ்மாணவர் ஒன்றியத்தளம் தற்போது மிகப்பபெரும் உருவெடுத்துக் கொண்டிருக்கின்றது. அதற்குக்காரணம் யார்? ஆம்! எமது மாணவர்கள் அளிக்கும் உற்சாகமும் உறுப்பினர்களாக சேரும் மாணவர்களின் ஆர்வமும் தான் காரணம். எனவே நாம் இவை அனைத்தையும் கவனத்தில் கொண்டு தமிழ்மாணவர் ஒன்றியத்திற்கான புதிய இணையத்தளம் ஒன்றினை கட்டமைத்து வருகின்றோம். விரைவில் புதிய தளத்தின் வேலைகள் முடிவடைந்து உங்கள் உபயோகத்திற்காக தளம் திறந்துவைக்கப்படும்.

நன்றி.
தளநிர்வாகி
B.C.A.S தமிழ் மாணவர் ஒன்றியம்.

ஆண்களினை கவர்வதற்கும் பெண்களினை கவர்வதற்குமான இலகு வழி!

ஆண் ஒருவரினை இலகுவில் எம்வசப்படுத்த 100 ரூபாய் போதும். அதே ஒரு பெண்ணை வசப்படுத்த 100000 ரூபாய்களும் காணாது.! இதனை மேலுள்ள படம் உங்களிற்கு உணர்த்தும்....

பதிவு: புஸ்பராஜா பாலநரேஸ்(HND-19 ICT)

விரலில் கலை...(ஜோ.சாம்சனின் ஆக்கம்)

கலையுணர்வு அதிகமாவர்கள் எதையும் விட்டுவைக்கமாட்டார்கள் என்பதற்கு இது ஒரு எடுத்துக்காட்டு!

FUNWEEK புகைப்படங்களின் ஒளிக்கோப்பு...

பிறந்தநாளை கொண்டாடிய சகமாணவிக்கு வாழ்த்துக்கள்

HND-19ல் கல்விபயிலும் செல்வி.கமலாஜினி தனது பிறந்தநாளினை எமது வகுப்பிலே கடந்த 2ம் திகதி கொண்டாடினார். அது எத்தனையாவது பிறந்தநாள் என அவரைத்தவிர எவருக்கும் தெரியாது. அவர் அதனை சொல்லவும் விரும்பவில்லை. எனவே B.C.A.S தமிழ் மாணவர் ஒன்றியத்தின் சார்பில் நாம் வாழ்த்துக்களினை தெரிவித்துக்கொள்கின்றோம்.

நன்றி!

ஆங்கிலவிசைப்பலகைக்கான தமிழ் எழுத்துருக்கள்

தமிழிலே எழுதுவது எப்படி?

நாம் “Bamini” எழுத்துருவினையே தான் பொதுவாக எமது தமிழ் தட்டச்சு வேலைகளிற்கு பயன்படுத்துகின்றோம். “Microsoft office”ல் பயன்படுத்தும் மாதிரி நாம் இணையத்தினில் எழுத முடியாது. ஆகவேதான் அதற்கு ஆங்கில எழுத்துருக்களினை தமிழிலே மாற்றம் செய்து உபயோகிக்கின்றோம். சரி. நீங்கள் அனைவரும் இதனைப்பற்றி அறிந்திருப்பீர்கள் என நினைக்கின்றேன். தமிழிலே எழுதுவதற்கு சுரதாயாழ்வாணனின் தட்டச்சுசெயலிக்காக தொடர்பு கீழே தரப்பட்டுள்ளது. தொடர்பிலே சொடுக்குவதன் மூலம் அதனை பயன்படுத்தலாம். உபயோகித்துபாருங்கள். சந்தேகங்கள் இருந்தால் எமக்கு அஞ்சல் செய்யவும்.

www.jaffnalibrary.com/tools/unicode.htm

பின்னூட்டல் ஒன்றை எவ்வாறு எழுதுவது?

ஓவ்வொரு அங்கத்தவர்களின் ஆக்கங்களின் இறுதிப்பகுதியில் பின்னூட்டல்கள் என்று ஒரு பகுதி தரப்பட்டிருக்கும். அதிலே சொடுக்குவதன் மூலம் நீங்கள் உங்கள் பின்னூட்டலினை விட்டுச்செல்லலாம். ஆனால் தள நிர்வாகியினால் உறுதிப்படுத்தப்பட்ட பின்னரே உங்கள் பின்னூட்டல் பார்வைக்கு விடப்படும். (தேவையற்ற குழப்பங்களினை தவிர்க்கவே இந்த வழி).

ஆக்கங்கள் பற்றி....

இந்த கலந்துரையாடல் தளத்தில் நீங்களும் ஓர் அங்கத்தவர் ஆயின் உங்களின் விபரக்கொத்துடன் உறுப்பினர் பட்டியலில் உங்கள் பெயர் இடம் பிடித்திருக்கும். இத்தளத்திலே எவ்வாறு எமது பதிவுகளினை மேற்கொள்வது என்ற சந்தேகம் உங்களிடம் இருக்கலாம். உங்கள் ஆக்கம் தமிழாக இருப்பினும் சரி ஆங்கிலமாக இருப்பினும் சரி! தளநிர்வாகியின் மின்னஞ்சல் முகவரிக்கு அனுப்பிவைத்தால் போதும். உங்கள் ஆக்கம் தளத்தினிலே பிரசுரிக்கப்படும். எவ்வாறான ஆக்கங்கள் அனுப்ப முடியும்? எவ்வாறான ஆக்கங்கள் என்றாலும் சரி. அது பிரசுரிக்க கூடிய வகையில் இருந்தால் போதும். நாம் பிரசுரிப்போம்.

எமது நோக்கம்...!

B.C.A.S தனியார் நிறுவனத்தினிலே கல்விபயிலும் மாணவர்களினை ஒன்றிணைக்கவும் அவர்களினது ஆக்கங்களினை பதிவுசெய்யும் முகமாகவும் இந்த தளம் ஆரம்பிக்கப்பட்டுள்ளது. எனவே தமிழ் எழுத வாசிக்கக்கூடியவர்களாக நீங்கள் இருந்தால் தான் தங்களை இங்கு பதிவு செய்து கொள்ள முடியும். எனவே தங்கள் முழுப்பெயரினையும் மின்னஞ்சல் முகவரியினையும் தள நிர்வாகிக்கு அனுப்பிவிட்டால் போதும். நீங்களும் இத்தளத்தினிலே உறுப்பினராகி விடுவீர்கள்.தள மின்னஞ்சல் முகவரி (webgroup.bcas@live.com) இந்நிறுவனத்திலே கல்விபயிலும் நாம் ஒரு நாள் அல்ல ஒருநாள் பிரியத்தான் போகின்றோம். எனவே அந்த பிரிவின் தாக்கத்தினை குறைக்கும் முயற்சி தான் இது! இவ்வாறானதொரு முயற்சிக்கு தங்கள் ஆதரவு கிடைக்கும் என்று நினைக்கின்றேன்.

நன்றி.
தளநிர்வாகி